كان يا ما كان يا ساده ياكرام ....و لا يحلى الكلام إلا بذكر النبي عليه الصلاة والسلام
كان فيه بنوته صغنطوطه ... بفستان وردى ... و عيون عسليه . عايشه وحيده فى دنيا غريبه يربطها بيها دم ودمع
حلمها من الدنيا كان أبسط من الخيال . حلمت بفارس جميل على حصان أبيض يطير يكون لها كل الحياه .
أتمنت فيه أخلاق الفارس .... حب العاشق .... حنان الأب .... طماعه مش كده !!!!؟
المهم البنت دى بطمعها ده فضلت تدور عليه .... عاشت بتحلم بيه ، غرقانه فى بحر الهموم ... رمالها طوق النجاه
جرت عليه ذى المجنونه .... علمها معنى الحياه .... قالها أنا ليكى و انت ليا
كانت تقوله خـــــــــــــــــــايــــــــــــــــــــــفــــــــــــــــــه ..!!؟
كان زمان الخوف أوعى تخافى و أنا معاكى
نساها الدنيا بين إيديه ...عيشها فوق السحاب
و إنــــــتـــــــهى الــــــــــحــــــــلم
و بين يوم و ليله بات الغريب غريب و ما عاد فيه حبيب
صحيت تدور على الأمل و على بكره
لقت حطام ملوش معنى .... فى عنيها سواد مش شايفه
إذاى قدر يخدعها
إذاى قدر يجرحها
إذاى نساها
و البنت يا ولداه ما عاد يوم يمر عليها و لا تغمض عنيها إلا لما يقتلها التعب من كتر البكا
لكن لمين تشكي و لمين تحكى و مين يسمع و مين يرحم
وصار قلب العصفوره جمرة نار و مين اللى آد النار !!!!!!؟
و توته توته خلصت الحدوته
No comments:
Post a Comment