أنصاف

أتعودت منك يا دنيا انك دايما بتدينى انصاف!!!!!!!!!!!!! أيوه أنصاف

أنصاف أحلام........... أنصاف حلول........... انصاف فرحه

كل حاجه فى حياتى مبتوره ، لو دورت ورجعت بالزمن مش هلاقى منك غير كده

و الغريبه انى لسه واخده بالى

و عشان كده أخدت مجموعة قرارات

أولا : - تحرم الفرحه على قلبى لحين صدور أوامر عليا

ثانيا ً : - ممنوع منعا باتا الثقه فى أى مخلوق

ثالثا ً : - التعامل مع البشر لا يتم الا فى أضيق الحدود

رابعا ً : - عدم التصريح بأى مشاعر دخيله قد تتسرب الى القلب

و يفضل عدم التعامل بالمشاعر حيث أنها باتت عمله رخيصه لا يقدرها أحد

مع ملاحظة أنه لا يوجد أى إستثناءات لان أى إستثناء فهو مدخل للهزيمه

شوفتى بقا ماهو يا انا يا انتى

انا خلاص مش عايزه اى الم تانى كفايه كفاااااااااااااااااااااااااااااايه

سمعانى خلاص انا اقوى منك و من ضعفى

هتحدى الألم و هتحداكى

و هعيش ذى ما انا عايزه

و مش هتقدرى عليا

كفايه

كفايه

طوق

أصعب شيئ فى الدنيا لما تقعد مع نفسك و تحاسبها فى لحظة صدق تشوف انت فين و كنت فين و رايح لفين النهارده فى لحظه مقدرتش

أهرب فيها من نفسي و من حسابها لقيتها بتلح عليا و بتعلن عصيانها بتقولى لازم وقفه و لازم إعاده نظر و كانت النتيجه انى لقتنى عايشه

فى وهـــــــــــم كبير

أخويا .... أمى .... عيلتى .... كلهم وهــــــــــــــم حتى البيت اللى ضمانى جدرانه وهــــــــــــــم حتى حبي وهـــــــــــــــم !!!!! دايره فظيعه

فضلت تضيق لحد مبقت طوق حوالين رقبتى . صعب جدا لما تضحك و انت مهموم لما تخبي حتى عن نفسك لما تبقى حتى بالنسبه لنفسك

لغز تفضل الصمت و دائما الصمت هو السيد لأن الكلام عمره ما كان فيه راحتك جربت تتكلم كتير مع أقرب الناس لك و كانت النتيجه إما

مفيش تعليق أو أنا أسف أو يخدك و يغرقك فى بحر همومه و مشاكله هوه و متقدرش غير إنك تشيل همه و تقف جمبه و انت اللى موجوع

نفسي أرتاح بجد أنا تعبت من الدنيا و اللى بيها نفسي أرتاح هيه له الراحه مستحيله فى الزمن ده حد يقولى ليه دايما حايتنا سلسله دموع و الم